Арбен Таравари не исклучува влез на Алијансата на Албанците во Владата на Заев, но тоа зависи од тоа дали ќе добијат понуда. Тој денес присуствуваше на конгерсот на едното крило на БЕСА, предводено од Биљал Касами, а вели дека би соработувале со двете крила, но и со македонските партии.
„Алијанса на Албанците е првата опозициска и најголема албанска политичка партија. Ние разговараме со сите пратеници и пратенички групи. Немаме конкретна понуда. Ако има понуда од Заев, за влез во Владата, партијата ќе разгледа“, вели Таравари.
Градоначалникот на Гостивар, коментирајќи ја одлуката на Министерството за образование и наука и ставот на министерката Рената Десковска, да му се одземат правата за именување и разрешување директори во средни и основни училишта, вели дека тој го разбира СДСМ, зошто бил под стегите на ДУИ. Таравари останува на ставот дека одлуката е политичка, а пак неговото делување е согласно прописите со цел деполитизирање на образовните институции во општината.
К.Ландов