Студентите, учениците и граѓаните пред Владата на РМ порачаа дека се против лошите реформи во образованието.
Поттикнати сме од идејата да не чуете и да сфатите дека протестите се со добри намери, рекоа од Студентскиот пленум.
Посочија дека 12-те интервенции во Законот за високо образование донесоа лоши реформи, без да се чуе гласот на стручната фела и студентските организации.
Во образованието не смее да има експерименти.
„Брзи реферми, слепи студенти раѓаат. Колку повеќе заокружување толку повеќе аргументи, колку повеќе притисок, толку повеќе решителност. Ако го цените образованието немаше партиски книшки да барате при вработувањата, туку дипломи“, рекоа од Студенскиот пленум и побараа автономија на Универзитетот.
Неколку илјади граѓани даваат поддршка на студентскиот марш.