Студенти од Загреб и Србија демолираа хотел во Охрид во кој престојуваа на петдневен студентски излет. Менаџерот на хотелот се огласи, како што пренесува 24сата.хр, и рече дека загрепските студенти биле агресивни.
– Разбираме дека се работи за млади луѓе, но мора да се преземат мерки – вели управителот на охридскиот хотел.
„Многу сме изненадени. Имаме големи групи студенти кои доаѓаат да се дружат овде. Никогаш досега немало проблем“, рече менаџерот на хотелот.
„Имаше студенти од Загреб и студенти од Србија. Но, студентите од Загреб беа агресивни. Сето тоа се случи минатата недела. Разбираме дека тоа се млади луѓе, но мора да се преземат мерки“, рече директорот на хотелот.
На видеото се гледа скршениот хотелски инвентар, скршени прозорци, пивски шишиња на покривот, тоалет кој изгледа како да е запален… Очигледно, студентите палеле факели во собите и ходниците.