Генералниот секретар на СДСМ, Оливер Спасовски од протестот во Струмица порача дека поништувањето на аболицијата се случила поради народот кој излезе на улица.
-Она вчера што се случи беше под притисок на граѓаните, не заради паметот на Иванов, тој ако беше доволно паметен немаше да носи такви одлуки. Но и тој и Груевски потклекнаа под силата на народот, под силата на граѓаните кои 59 ден протестираат по улиците низ Македонија, рече Сапсовски.
-Широко ги отвораме за секој еден, секој мора да се избори за сопственото достоинство. Сакам да ве уверам и да ги поздравам сите полицајци во МВР, многу голем дел не го поддржуваат режимот, а тоа се покажа вчера кога беа ослободени барикадите иако беше издадена наредба да се чуваат Владата и Собранието. Никој не може и не смее да го чува Собранието од својот народ, тоа Собрание е на сите, порача тој.
Истакнувајќи ги повторно двете барања на опозицијата и на Шарената револуција, за изјаснување на Уставниот суд за СЈО како и ослободување на демонстрантите и запирање на нивниот кривичен прогон, тој рече:
-За да живее правдата, и Гоца и Грујо треба да ги видиме како одат пред истражен судија, да видат како е тоа чувство. Нивното чувство кога не гледаат сите нас како не носат пред обвинител и истражен судија, е сосема поинакво од тоа чувство кое треба да го доживеат сега, рече Спасовски