Ова не е борба на поединец, ниту на некој што сака да дојде на власт, ова мора да биде борба на секој граѓанин на Република Македонија, ако сакаме да ги промениме состојбите. И грешно е прашањето, зарем нешто зависи од мене и што можам јас сам да направам. Апсолутно ние мораме да одиме со ставот дека се зависи од мене и дека се можам да направам, ако застанам рамо до рамо со сите други обесправени во Република Македонија, рече Оливер Спасовски на трибината во Штип.
– Дали воопшто има некакви поместувања околу преговорите и прифаќање на барањата од страна на Никола Груевски и ВМРО-ДПМНЕ и до колку би се случило такво прифаќање, колку е опозицијата е спремна да одговори на еден ваков предизвик и организирање и излегување на нови предвремени парламентарни избори?
Се шпекулира многу во јавноста за тоа дали имало тајни средби, јавни средби, во однос на тоа што се позициите на СДСМ, дали СДСМ ќе се врати во Собранието, дали нема да додржи на сопствениот став, ќе имаме ли конзистентна политика и тоа се нормални прашања коишто ги интересираат граѓаните или пошироката јавност, што ќе се случува воопшто на делот во политичкиот живот, со опозицијата и дали ќе може да `не препознае како луѓе кои знаеме цврсто да се бориме за ставовите или можеме да потклекнеме, да попуштиме во одредени моменти.