Во тензична стмосфера, со турканици, навреди и искршено стакло на влезната врата, вака заврши седумгодишното владеење на Живко Митревски со Синдикатот.
Дарко Димовски е новиот претседател, а за ова има потврда и со запишување во од Централниот регистар. Но тој не успеа на мирен начин да влезе во својата канцеларија. Беше спречен од обезбедувањето.
Митревски побара рок до 15 часот беше за фер примопредавање на функцијата. Но, не дојде на договореното примопредавање. По возачот ги прати печатите, но не и клучот од канцеларијата. Бравата беше обиена со бо-рмашина и новиот претседател влезе во канцеларијата.
„Апелирам уште утре да се организираме и да се вселиме, овде не завршуваме, дури сега не чека работа, можни се и опструкции од Живко Митревски. Дадовме заклетва пред работниците дека ќе ги подигнеме работничките права на највисоко ниво, се во интерес на работничката класа“, изјави Димовски.
Митревски најави кривични пријави против министерката за труд и социјална политика Мила Царовска и против директорката на Централниот регистар Марија Бошковска Јанковски.