Автомобил со тетовски регистарски таблички се преврте на новиот дел од булеварот Христијан Тодоровски Карпош во Бутел.
Автомобилот ја проби оградата од горната сервисна уличка и падна долу на булеварот на лентата во насока кон Центар. Сервисната уличка го спојуваше булеварот со улицата „Цетињска“, но не се користи откако е изграден булеварот. Возачот и сопатничката во свесна состојба се пренесени со итна медицинска помош во болница, а девојката била многу исплашена.
Младиот возач кажал само кратко дека не реагирале сопирачките на автомобилот и летнале на булеварот, што е околу три метри надолу.
Противпожарна екипа е на местото на несреќата.
