Местото каде што падна авионот марка „Пајпер“, во кој загинаа четворица италијанци и двајца косовски државјани е речиси непрооден. Патот е прооден до селото Кожле, а од таму до местото каде што се урнал авионот пристап имаа единствено теренски возила.
По неколкучасовното чекање и по бунтот зошто се привилегираат само два медиума, МВР обезбеди превоз за медиумите до местото каде што се урна авионот.
Увид на местото ќе врши јавен обвинител рано наутро, а како што најавија од МВР, местото ќе биде недостапно за медиумите.