ВИДЕО: Снимка од апсењето на полицајците кои правеа журка

Од:

Уапсените полицајци во кратовското село Куклица кои правеле забава, не ги почитувале мерките за заштита од коронавирусот, констатираат од МВР. Оттаму за „А1он“ велат дека за санкционирање на нивното однесување, покрај Обвинителството, ќе учествуваат и инспектори од МВР, заедно со Внатрешната контрола.

Полицајците биле затекнати околу 21 часот на приватен имот во селото, откако било пријавено дека се прави забава. Дел од нив, во изминатиот период биле задолжени да ги спроведуваат мерките за заштита од коронавирусот, односно да казнуваат за нивно непочитување.

„Веднаш се преземени мерки и известен е Јавен обвинител, по чии насоки на местото излегле полициски службеници и на приватен имот во с.Куклица биле затекнати осум лица, од кои седум полициски службеници, кои не биле на должност и кои биле лишени од слобода поради сомнение за сторено кривично дело по член 206 од кривичниот законик. Од страна на Одделот за внатрешна контрола при МВР и инспектори од соодветните организациони единици се работи на расчистување на случајот“, велат од МВР од „А1он“.

Инаку, „А1он“ веќе објави дека во акцијата била вклучена и Единицата за брзо распоредување, откако, уапсените полицајци давале отпор и не соработувале со припадниците на МВР кои постапувале по пријавата.

Би можело да ве интересира

МВР: Се истепале вработени во здравствена установа во Скопје

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница