Под мотото „Во град без мојот автомобил“ неколку стотици граѓани денеска ги извадија своите велосипеди на улица со цел да ја одбележат Европската недела на движење. Велосипедското дефиле започна од плоштад Македонија.
Според планираната маршрута, тие ќе се движат по улицата „11 Октомври“ и низ булеварите „Кочо Рацин“, „Кузман Јосифовски-Питу“ и „Јане Сандански“. На крстосницата со булеварот „Србија“ ќе направат полукружно вртење и велосипедистите ќе се вратат по булеварите „Јане Сандански“, „Кузман Јосифовски-Питу“ „Крсте Мисирков“, „Гоце Делчев“, „Илинден“. Влезот во Градски парк е меѓу паркингот на Зоолошката градина и бараките на Град Скопје, до Школка во Градски парк.
Попладне кај Школка ќе се одржи манифестација на која ќе се обрати градоначалникот на град Скопје, Коце Трајановски, а за учесниците се предвидени и награди. Во текот на движењето на велосипедистите, ќе има краток прекин на сообраќајот на овие улици и булевари.
Петар Клинчарски