Градоначалникот на Скопје, Петре Шилегов, преку неговиот фејсбук профил информираше дека се приведени лица кои се обиделе да го демолираат зелениот покрив на ГТЦ.
Тој објави и видео од настанот.
„Во текот на вчерашниот ден го најавив завршувањето на зелениот кров на ГТЦ и види чудо, одеднаш, некои ‘чудни сили’ решиле ноќеска да направат обид за негово демолирање. Сторителите се фатени на дело, приведени и предадени во полиција.
Јас, заедно со Вас почитувани, ќе бидам упорен во борбата за овој град да стане поубав и попристоен, а „чудните сили” нека тераат. Осудени се на пропаст“, напиша градоначалникот Шилегов на Фејсбук.