Радмила Шеќеринска ги повика граѓаните на Центар да ја дадат поддршката за Андреј Жерновски и масовно да излезат на гласање.
Со ова се покажуваат како измислени и тенденциозни вчера изнесените ставови на еден провладин медиум дека наводно СДСМ не му даваат поддршка на Жерновски. Центар, рече Шеќеринска е во рацете на ВМРО-ДПМНЕ веќе тринаесет години и токму ВМРО-ДПМНЕ ја отвори вратата на урбаната мафија.
„ВМРО-ДПМНЕ Центар го претвори во градежна џунгла. Четири години Тодоровиќ не се сети за бесплатни паркизни, градинки и зеленило. Сега е доцна. Овие денови се водеше ниска кампања против Жерновски. Но власта не може да ги силува граѓаните, затоа во недела дајте го гласто за Жерновски“, повика Шеќеринска.