„СДСМ продолжува со инвестиции за подобрување на патната инфраструктура во општина Центар.
Започна реконструкција на улицата „Никола Карев“ која заедно со улицата „Есенинова“ ќе го нормализираат сообраќајот во овој дел од градот“, вели Елвир Шабановиќ, советник во Советот на општина Центар.
„Овој зафат, во вкупна должина од 510 метри, чини 15 милиони денари и целата реконструкција ќе биде готова за 30 дена.
Ќе се скрати времето за движење меѓу општините Центар, Кисела Вода и Аеродром, а велосипедистите и корисниците на останатите видови алтернативен сообраќај – ќе имаат нови велосипедски патеки кои ќе ги спојат вело патеките на булеварите „К.Ј. Питу“ и „3-та Македонска бригада“, изјави Елвир Шабановиќ, советник во Советот на општина Центар.
„Водени од интересот на граѓаните, обезбедуваме сигурен и безбеден сообраќај за сите граѓани! Инвестираме уште повеќе за да биде уште подобро за сите“, додаде Шабановиќ.