Брод со пропалестински активисти за Газа се запали во меѓународните води кај Малта, а екипажот издаде СОС сигнал по, како што тврдат, напад со беспилотно летало, јавува Си-Ен-Ен.
BREAKING: At 00:23 Maltese time, a #FreedomFlotilla ship was subjected to a drone attack. The front of the vessel was targeted twice, resulting in a fire and a breach in the hull. The ship is currently located in international waters near #Malta. An #SOS distress signal was sent. pic.twitter.com/J6oEQafuOb
— Freedom Flotilla Coalition (@GazaFFlotilla) May 2, 2025
Коалицијата Флотила на слободата, која се противи на израелската блокада на Газа, изјави за Си-Ен-Ен дека во моментот на нападот на бродот имало 32 лица. Нападот, според нивните тврдења, се случил нешто по полноќ по локално време.
„Сега има дупка на бродот и бродот тоне“, изјави портпаролката на коалицијата Јасемин Акар, која во моментот на разговорот била на Малта. Таа додаде дека бродот испратил повици за помош до околните земји, вклучително и Малта, и дека „кон нив се упати мал брод од јужен Кипар“. Рекла и дека по сигналот СОС успеала да стапи во контакт со некои членови на екипажот.
Коалицијата објави видео на својот Х профил на кое се гледа како гори брод и се крева чад. На второто видео кое го објавија се слушаат две силни експлозии.
„Нашиот брод се наоѓа на 17 километри од брегот на Малта, во меѓународни води и двапати беше нападнат од дрон“, рече Акар, додавајќи дека целите изгледаат како генератори на лакот на бродот.
„Генераторите сега не работат и не даваат струја, а ние во моментов немаме контакт со тој брод“, рече Ацар. „Во моментов има 30 меѓународни активисти за човекови права на бродот што тоне“, додаде таа.
Флотилата не упати никакви наводи за тоа кој би можел да стои зад нападот.
Според податоците од локациите за следење на поморскиот сообраќај, бродот што учествува во мисијата го носи името Совест, плови под знамето на Палау, а во петокот наутро се наоѓал во близина на источниот брег на Малта.