(ВИДЕО) СДСМ: Власта да не полни буџетски дупки преку хонорарците

Од:

„СДСМ најостро се спротивставува на донесениот закон со којшто фирмите и граѓаните од 2015-та година се изложени на нови трошоци!

Станува збор за новите издатоци при договорите за дело и авторските договори.

Тоа се дополнителни плаќања за придонеси за здравствено, пензиско и инвалидско осигурување при примања хонорари, чијашто сума е поголема од проектираната минимална плата, т.е. 9.500,00 денари, без разлика дали граѓаните веќе еднаш ја исполниле оваа своја обврска“, изјави на денешната прес-конференција Александар Кирацовски, потпретседател на СДСМ.

„Значи, од Нова Година повеќе нема да биде важно дали сте привремено вработени или сте вработени на неопределено работно време. За вашите  договори на дело и авторските договори, компаниите ќе мора да издвојуваат давачки во висина од 35 проценти од договорениот надоместок, во коишто покрај персоналниот данок, предвидени се и давачки за здравствено и пензиско осигурување.

Ова е двојно оданочување.

Оправдани се стравувањата дека тоа најверојатно ќе резултира со индиректно намалување на хонорарите.

Еве зошто:

Ако некој примал 12.000 денари нето приход, сега во договорот повторно ќе стои 12.000 денари, но тоа ќе биде бруто износ, што ќе биде намален за 3.000 денари издаток за социјалните придонеси.

Граѓаните кои се принудени да работат на две три места за да си обезбедат егзистенција, без разлика што примаат хонорари помали од минималната плата – сега се принудени самите да си ги платат овие придонеси, доколку збирот на средствата што ги одработиле е макар за денар поголем од законски утврдената минимална плата.

Кога ќе се одземат парите што ќе треба да ги платат за данок од примениот хонорар, ќе им останат средства под минимално загарантирата плата во државата.

Стравуваме дека сето ова ќе резултира со отпуштања од страна на работодавците кои ова не ќе можат да го издржат.

Ваквите политики на власта за жал резултираат со вакви дела врз грбот на граѓаните.

Затоа, СДСМ бара:

1. Oвој закон да не важи за хонорарците кои имаат приходи од повеќе договори кои поединечно се под минималната плата, а нивниот збир не е над 12.700 денари. На тој начин граѓаните во никој случај нема да бидат доведени во ситуација да добијат приход помал од минималната плата,

2. Вработените на кои веќе им се плаќаат социјални придонеси, да не бидат изложени одново на вакви издатоци,

3. Висината на придонесите да биде регулирана по принципот: граѓаните со помали хонорарни приходи, односно најголемиот дел од хонорарците, процентуално да плаќаат помалку, додека граѓаните со повисоки, да плаќаат повеќе.

Власта нема право да полни финансиски дупки доведувајки ја во прашање егзистенцијата на граѓаните на Република Македонија“, рече Александар Кирацовски, потпретседател на СДСМ.

Би можело да ве интересира

СДСМ: BМРО-ДПМНЕ им служи на туѓите интереси и работи против членството во ЕУ

(ВИДЕО) Каевски: Успешни економски политики на СДСМ, рекордни инвестиции од 465 милиони евра

Ана Ололовска

СДСМ: Мицкоски зборува за конфликти и се натпреварува со Левица кој е повеќе против ЕУ

Ана Ололовска

(ВИДЕО) Николовски: Нема рестрикции има извоз на струја, Мицкоски може да учи

Ана Ололовска

СДСМ: Милитаристичките изјави на Мицкоски покажуваат дека е заложник на Апасиев

Ана Ололовска

СДСМ: Ковачевски успешно се справи во енергетската криза, извезуваме струја во јануари

Ана Ололовска