„Повод за денешното излагање е грубото узурпирање на две паркинг места во централното градско подрачје, О.О. СДСМ Штип никогаш не ги оспорува активностите кои придонесуваат за доброто на граѓаните, но сликата во самиот центар на градот што граѓаните можат да ја видат е за секоја критика“, рече Марио Михајлов, портпарол на СДСМ Штип и додаде:
Имено, во близина на Стопанска Банка, на најфреквентната сообраќајница во строгиот центар на градот, на точно две паркинг места е поставена барака.
О.О. СДСМ Штип, смета дека ваквата местоположба и локација на оваа барака е спротивна на разумни комунални и урбанистички решенија, поради што бараме соодветните инспекторски служби да го решат овој проблем и да спроведат соодветни мерки за отстранување или дислокација на бараката.
