„На општина Ѓорче Петров и е неопходен нов начин на водење на општината, наспроти 12-годишното неодговорно владеење на ВМРО-ДПМНЕ и на градоначалникот Сокол Митровски.
За време на трите мандати владеење, локалната власт на ВМРО-ДПМНЕ потроши над 50 милиони евра пари на граѓаните! Ја задолжија општината со кредити од 160 милиони денари!
И покрај овие огромни потрошени суми и задолжувања, граѓаните немаат основни услови за функционирање.
Погледнете ја оваа амбулантата што се распаѓа, каде што луѓето се упатени да се лекуваат. Не е само амбулантата.
Децата во основното училиште во Ново Село Тихомир Милошевски учат во несоодветни просторни услови. Нема доволно места во градинките за децата и родителите на кои им е тоа потребно. Улиците стануваат езера при првиот дожд.
Ѓорче Петров 12 години е општина без никаков локален економски развој. Без гасификација, без функционални индустриски зони.
По промените што се случија на парламентарните избори, следуваат промени и на претстојните локални избори. Општина Ѓорче Петров заслужува локална власт којашто ќе работи во интерес на граѓаните и од општина Ѓорче Петров ќе направи модерна европска општина“, изјави Костадин Ацевски, претседател на ОО СДСМ Ѓорче Петров..