Само првиот вицепремиер и министер за политички систем, Артан Груби, не се поклони пред спомен плочата на загинатите припадници на антитерористичката единица „Тигар“. Тој положи цвеќе заедно со премиерот Зоран Заев, министерката за одбрана, Радмила Шеќеринска, министерот за здравство Венко Филипче.
Согласно протоколот, сите останати се поклонија пред плочата, во чест на загинатите. „А1он“ испрати прашање до Груби зошто не го испочитувал протоколот и не се поклонил пред спомен плочата на припадниците на „Тигар“, но до овој момент нема одговор.
Почит за загинатите припадници со положување на свежо цвеќе и поклони, оддадоа и министерот за внатрешни работи Оливер Спасовски, државниот секретар Магдалена Несторовска, шефот на кабинет Митко Бојмацалиев.
По нив, истото го направија директорот на Бирото за јавна безбедност Сашо Тасевски, заменик-директорот Ариф Асани, како и шефот на кабинет на директорот на Бирото за јавна безбедност, Сунчица Алексовска. На крајот, истото направија и семејствата на загинатите борци.
Денес се одбележува 40 години од формирањето на Единицата за специјални задачи „Тигар“.