На новинарско прашање дали некаде во Европа е позната праксата да се носат нови наставници наместо оние што штрајкуваат, Мартин Ромер, претседател на Европската конфедерација на синдикати од образованието, рече дека дека такво нешто досега не е направено во Европа.
– Не, нема вакво нешто во Европа. Ако има штрајк, тогаш е штрајк и Владата мора тоа да го почитува. Може да штрајкувате на различни начини. Овде наставниците одат на работното место, но не работат, а можете и да не доаѓате во училиште. Со носење на штрајхбрекери во обид да се заменат наставниците се покажува непочитување кон трудот. Штрајкот е сосема легално средство со кое едната страна се обидува да изрази нешто, рече Ромер на заедничката прес конференција со СОНК.