Родителите на младите кои ги загубија животите во пожарот во дискотеката „Пулс“ денеска одржаа мирен протест во Кочани, со што го блокираа кружниот тек кај двојниот мост на улицата „Стево Теодосиевски“.
Според најавите, блокадите ќе се одржуваат секој ден по еден час, од 15:15 до 16:15 часот.
– Од Кривичен суд уште немаме информација за почеток на рочиштето, ако не добиеме термин за првото рочиште, ако немаат ефект овие блокади, ќе се преселиме во Скопје пред Кривичен суд, со порадикални мерки. Ќе се догвориме колку дена ќе траат овде блокадите. Ќе се договориме кога би почнале блокадите во Скопје. Адвокатите на обвинетите малку да имаат чувство за нас родителите, излегуваат по медиуми и кажуваат колку ќе трае судењето. Испраќаме апел до Кривичен суд, побрзо да си ја завршат работата бидејќи нашето трпение е при крај. Нашите деца ги убиваат повторно, со тие нивни изјави. На крајот ќе излеземе ние родителите и нашите деца виновни, рече на блокадата една од присутните.
Родителите велат дека на ваков чекор се одлучиле по информациите дека судењето би можело да трае и до 10 или 15 години, што, како што посочуваат, е неприфатливо.