Граѓаните одлучуваат и тие се секогаш во право, ние не можеме ништо против тоа, рече пратеничката од ВМРО-ДПМНЕ, Даниела Рангелова денеска во Штип по свечената академија на партијата по повод празникот 23 Октомври.
Таа додаде дека одговорност за изборните резултати сносат сите кои што ја воделе изборната кампања.
Пратеникот Драган Данев напомена дека анализите ќе се прават по вториот круг на изборите и дека одговорноста е во сите.
Поранешниот градоначалник на Скопје само кратко изјави дека очекува победа во сите општини каде што ВМРО-ДПМНЕ има кандидат во вториот круг, а членот на извршниот комитет на партијата, Богдан Илиевски напомена сите се подготвени да сносат одговорност.
