Град Скопје извести дека продолжило засилено прскање против комарци во Скопје, кое ќе траело 4 дена.
Третото авионско прскање против возрасни форми на комарци денеска се изврши во раните утрински часови, а ќе се одвива и во наредните три дена, односно до 13 август (понеделник). Потоа, прскањето ќе продолжи од земја и ќе се одвива во деновите од 13 август до 17 август (од понеделник до петок), во период од 23 до 04 часот, наредниот ден, се вели во соопштението од Град Скопје.
Но видеото кое е пуштено со соопштението како доказ за прскањето против комарците е со датум од 8 јули, оваа година, односно од пред еден месец.
По ова продолжено и засилено прскање Град Скопје ќе изведе уште две прскања против комарци што се планирани кон крајот на август и на почетокот на септември.