Површинската фонтана на скопскиот плоштад повторно е ставена во употреба, а како и првиот пат кога било пробно, и сега се појавија првите капачи.
Дел од луѓето се замиваат, дел ги ладат нозете во овие топли денови.
Фонтаната има правоаголна форма, со димензии 20 на 10 метри и вкопано армирано-бетонско корито.
Површината врз армирано-бетонското корито е изработена од светлосиви гранитни плочи со димензии 60 на 60 сантиметри и со дебелина од 10 сантиметри.
На плочите од фонтаната поставени се ЛЕД светилки со отвори за вградување млазник.
Фонтаната ја сочинуваат 128 млазници со 128 светилки кои се уклучени и во текот на денот.