Посетивме повеќе општини во пелагонискиот регион, во општините Новаци и Могила, а имаме намера да посетиме повеќе општини. Имавме средби со повеќе земјоделци. Од средбите ни се потврди она што СДСМ често пати го соопштува, а тоа е дека македонскиот земјоделец живее многу тешко и дека едвај се справува со проблемите, како да го одржи и производството и семејството, вели Татјана Прентовиќ.
Земјоделците се соочуват со штетите од болеста син јазик, со неправична распределба на земјоделското земјиште, со неправична исплата на субвенциите, со намалената откупна цена на пченицата, со намалената откупна цена на тутунот, на јагнешкото месо, со намалената цена на млекото исто така, со 70-процентното неприбирање на пченката од нивите, со непристапноста до пасиштата иако многу од нив имаат платено пашарина, коишто пасишта ги користи некој друг, со одводнувањето за коешто исто така имаат платено обврски, за да им се одводнат површините, а тоа не е сторено со месеци.
Така што, во разговорите со земјоделците, ги дефиниравме сите проблеми, тие исто така дадоа предлози, ние понудивме решенија и на тој начин имаме намера да создадеме взаемна почит и соработка,`се со цел да се подобрат тешките состојби во земјоделството.