Огнот кај селото Патетино се шири кон светиниколоските села Раченци и Мечкуевци . Веќе гори сува трева и шума на површина над 30 хектари. Противпожарните единици помогнати од месното население се борат со огнот кој тешко се гасне поради силниот ветер.
Пожарот над селото Разловци кај Делчево е под контрола и неговото ширење е спречено. На територијата на општините Берово, поточно селото Робово и во Пехчевското село Умљење, пожарот е со посилен интензитет. Досега се зафатени 200 хектари со мешана шума бор и смрека.
Од утрово пожарот го гаснат и два авиони и се очекува да биде запрено ширењето на овој оган.
