Пожар изби во скопската населба Радишани, веднаш спроти бензинската пумпа „Еурооил“.
Запален е објект, а околу него може да се види дека има стари возила.
Во моментов интервенираат пет екипи на Противпожарната служба, со помош на граѓани.
Чад од пожарот има низ целата населба, а се стравува тој да се прошири и на околните имоти. Во паника се преместуваат возилата паркирани на улицата.
Очевидци за „А1он“ велат дека пожарот настанал од искра при сечење железо.
