Попладнево маж скокна во Вардар, а од водата го спасија полицајци. По добиена пријава во СВР Скопје дека на вливот на реката Лепенец во реката Вардар има машко лице во водата, веднаш биле преземени активности и лицето е спасено од водата од страна на полициски службеници од станицата во Карпош.
Според информациите од МВР, подоцна било утврдено дека станува збор за 64-годишен маж од Скопје, кој претходно самиот се фрлил во реката, а инаку е пациент на болницата во Бардовци. Од страна на Итната медицинска помош која пристигна веднаш по интервенцијата човекот беше пренесен во ГОБ „8-ми септември“.