Покриви во згради завршија на булеварот Паризански одреди, во Карпош 4, кај трговскиот центар Антико. Ова доаѓа по силните ветрови кои го зафатија Скопје, а кои траеја подолг временски период.
Прво паднал еден покрив, а по кратко време, од соседните згради излетале и други два покриви.
Во моментот кога покривите излетале од силниот ветер, на улицата имало вработени во Комунална хигиена, кои навремено се повлекоа и не беа повредени.
Булеварот е целосно блокиран, а екипите кои започнаа да ги отстрануваат покривите се откажаа и повлекоа.