Во 5 до 12 денеска започна најавениот протест на Синдикатот за образование, наука и култура (СОНК) на која вработените во образовниот сектор го искажаа своето незадоволство и револт од состојбите во образованието.
Членовите на СОНК од Скопје, но и од останатите делови во Македонија, протестираа поради игнорирањето на институциите врз образовниот кадар кој во повеќе наврати алармира и официјално побара да се регулира моделот на екстерно тестирање, платите на просветните работници, како и постојаните инспекциски контроли од кои не можат да си ја вршат својата работа.
„На речиси секој јавен протест на грашаните се случува МВР да ги пречекори своите овластувања, односно да го спречува правото на протест на граѓанте. Полицијата нема право да легитимира граѓанин затоа што сакал да протестира“, рече Уранија Пировска.