Потпорниот ѕид на улицата која минува над Клиничкиот центар, над Детската клиника, се сруши. Информацијата ја потврди и Центарот за управување со кризи ЦУК.
За овој ѕид ЦУК алармираше уште пред една година дека постои ризик да се сруши и алармираше до институциите и до Министерството за здравство да го санираат.
Директорот на Центарот за управување со кризи, Стојанче Ангелов кажа дека од нивна страна веднаш биле известени Министерството за здравство, Градот Скопје и општината Центар, како и МВР за да преземат мерки за да се заштитат животот и здравјето на граѓаните.Но денес добиле пријава дека дел од зидот се урнал, а дел од зидот завршија на улицата.
„Неколку граѓани пријавија дека потпорниот ѕид над Клиниката за Детски болести е во лоша состојба. Од наша страна беа известени сите надлежни институции, за преземање на сите потребни мерки. После 1,5 година не е преземено нешто, и наутро добивме пријава дека дел од овој ѕид е срушен, а прашање е кога ќе се сруши и останатиот дел од ѕидот. Затоа апелираме до сите да се зафатат со оваа опасност за граѓаните. Може да дојде и до рушење на дел од улицијата, по што можна е поголема трагедија. Од страна на ЦУК во повеќе наврети е инвертернирано, односно се испратени дописи. Затоа апелираме за итна координација и итно надминување на оваа опасност“, рече Стојанче Ангелов, директор на ЦУК.
Центарот за управување со кризи информира дека е накосен целиот потпорниот ѕид на Детската клиника во Клинички центар. Дополнителен проблем се и подземните води. Доколку зидот не се санира постои ризик целиот да се урне, да оштети автомобили кој се паркирани веднаш до зидот. Од едната страна на ѕидот има паркинг, а од другата е улица „Белградска“.
