При претрес во домот на 38-годишен маж од село Љубин, откриена е работилница за поправка на оружје, разни делови од оружје, два сигнални пиштоли и голема количина муниција, информира МВР.
– На 09.07.2021 полициски службеници од Одделот за криминалистичка полиција- Сектор за недозволена трговија со дрога, оружје и опасни материи, Единицата за недозволена трговија со дрога и оружје и Единицата за интервентна полиција при СВР Скопје запреле патничко моторно возило „опел зафира“, управувано од М.Ш. (38) од с. Љубин. При преглед на возилото пронајдени се 300 куршуми различан калибар, соопштува Министерството за внатрешни работи.
Потоа, по добиена судска наредба, извршен е претрес во домот на М.Ш. во с. Љубин и при тоа е откриена работилница за поправка на оружје, разни делови од оружје, два сигнални пиштоли и голема количина муниција, известува МВР.
М.Ш. е приведен и против него ќе биде поднесена кривична пријава по член 396 од КЗ на РСМ.
