„Оставка Оставка“, „Лопови лопови“ ечеше пред Јавното обвинителство во Скопје. Граѓаните кои беа на протест пред МРТ, повторно дојдоа до зградата на обвинителството да му порачаат на јавниот обвинител Марко Зврлески да си даде оставка и дека нема легитимитет да остане на таа позиција.
Од него во неколку наврати беше побарано да се изјасни дали на МРТ и забранил да ги емитува снимките од опозицијата како што тврди уредничкиот тим на јавниот сервис, но досега тој не кажал ништо. Зврлески беше спомнат и во првите снимки кои ги емитува опозицијата за кого беше посочен дека ги извршува наредбите на власта.