Власта си донесе изборни правила, кои не обезбедуваат ни минимум услови за фер и демократски избори, обвини опозицијата. Изборниот законик мора да биде со конесензус, а не на мускули како што тоа го направија ВМРО-ДПМНЕ и ДУИ.
Но претставниците на ВМРО-ДПМНЕ не дојдоа да слушнат за улогата на политичките играчи во изборниот процес .
не дојдоа да ја чујат и јасната препорака на ОБСЕ, дека мора да се имлементираат минатогодишните забелешки, а пред се дека мора да се одделат партиските од државните фунции, како што кажа Ричард Лапин, советник за избори во ОБСЕ/ОДИХР.
Ана Павловска Данева од СДСМ укажа дека ги прифатила и инкорпорирала само оние забелешки кои се од нејзина корист, но не и суштинските.
Потпретседателот на Собранието , Сузана Салиу, која учествуваше во дебатата укажа дека се ставени само сугестиите за локалните избори, а серија забелешки имаше на корупцијата во изборите изнесе Руфи Османи од НДП.
Во процедура се измените кои ги предлага опозицијата, но судејќи според почетокот, власта нема слух за овие измени.
Еден од предлозите на СДСМ е да има цензус од 3 % за гласачите од дијаспората, за да не ни се случи како на последните избори, пратеник да биде избран и со 100-тина гласови.