Скопје попладнево го зафати невреме со засилен ветер, грмежи и дожд. За кратко време улиците се наполнија со вода.
И вечерва и утре времето ќе биде променливо и нестабилно со локален пороен дожд, грмежи и засилен ветер, најавија од УХМР.
На одредени места процесите ќе бидат поинтензивни во форма на невреме со интензивен пороен дожд, силен ветер и појава на град.
Во понеделник ќе има преодно стабилизирање. Во вторник попладне претежно во западните делови, а во среда на повеќе места повторно ќе биде нестабилно со пороен дожд и грмежи, а ќе има и услови за појава на локално невреме.