На социјалните мрежи граѓаните пријавуваат паднати дрвја и канделабри, откачени кабли, блокирани сообраќајници и оштетени возила од паднати лимени кровови.
Информациите се дека пред трговскиот центар „Капитол“ дрво паднало на булеварот, а паднати дрвја има на повеќе места на улиците „Теодосиј Гологанов“ и „Илинденска“.
На улицата „Рузвелтова“, на потегот од студентскиот дом кон „Теодосиј Гологанов“, дрво паднало преку двете сообраќајни ленти. Паднато дрво има на и на улицата „Васил Ѓоргов“ во Капиштец.
Дел од улицата „Ленинова“ е блокиран поради паднато дрво пред Министерството за земјоделство.
Паднати дрвја се пријавуваат и на автопатот кај бензинската станица „Макпетрол“ во близина на Белви, како и на раскрсницата меѓу улиците „Коста Новаковиќ“ и „Владимир Комаров“ во Аеродром.
Засега нема официјални информации за повредени лица.