Таткото на загинатата Надица Наунова, Александар Наунов по денешното рочиште за трагедија во Кочани изјави дека загрижува фактот што обвинетите и понатаму добиваат јавен простор за изјави и медиумски настапи иако се соочувааат со сериозни обвиненија поврзани со настанот во кој беа „уништени 63 животи и зацрнети 200 семејства“.
– Обвинетите се однесуваат како тие да се оштетени. Како да не знаат за што се обвинети и како прв пат да слушаат дека дискотеката „Пулс“ постоела – рече Наунов.
Наунов додаде дека иако правото на одбрана е неприкосновено во секоја правна држава, еднакво е важно јавниот дискурс да биде чувствителен кој жртвите.
