Со сведочење на ќерката на првообвинетиот Дејан Јованов продолжува судењето за пожарот во „Пулс“

Од:

Со сведочење на ќерката на првообвинетиот Дејан Јованов денеска во судницата во затворот „Идризово“ при Основниот кривичен суд Скопје продолжува судењето за пожарот во дискотеката „Пулс“ во Кочани.

На последното рочиште, вештото лице од Градежниот факултет при УКИМ, Горан Марковски, изнесе низа забелешки за методологијата и опфатот на вештачењата нарачани од одбраната на првообвинетиот, оценувајќи дека во нив има селективен пристап, изоставување релевантни факти и навлегување во области за кои, како што посочи, вештото лице се изјаснило дека нема стручност.

Истовремено, на почетокот на претходното рочиште, Јавното обвинителство изнесе забелешки во врска со предлогот за вештачење од Мирослав Грчев и начинот на кој дел од одбраната планира да ги изведе доказите, оценувајќи дека постојат тенденции за одолжување на постапката. Одбраната, пак, посочи дека редоследот на изведување на доказите досега бил менуван со согласност на странките и дека секоја одбрана самостојно ја конципира својата теорија и начин на одбрана.

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот почна на 19 ноември 2025 година, осум месеци по пожарот што се случи на 16 март 2025 година за време на настапот на групата ДНК, во кој животот го загубија 63 лица, а над 200 беа повредени.

Би можело да ве интересира

Сведок тврди: Обвинетите полицајци од Пробиштип биле испратени во Кочани без да знаат дека ќе вршат контрола во дискотеката „Пулс“

Марковски: Вештачењето нарачано од одбраната на Јованов е селективно и со сериозни методолошки пропусти

Наунов: Нема да дозволиме спорни вештачења и неправди да ја прикријат одговорноста за пожарот во „Пулс“

Со изведување докази на одбраната продолжува судењето за пожарот во „Пулс“

Обвинителството го оспори вештачењето за „Пулс“: Русески не ги исполнува стручните и методолошките стандарди

Шилегов бара преиспитување на обвинението за „Пулс“, родителите реагираат: Не може да се споредуваат различни случаи

Горан Наумовски