Невладината „Плоштад Слобода“ ги повика жителите на Центар во недела масовно да излезат на избори и својот глас да го дадат за кандидатот Андреј Жерновски. Изминатите четири години, рече Никола Наумовски, беше период на уништување на зеленилото во Центар. Проектот „Скопје 2014“ е проект на Груевски, но главен поддржувач беше Владимир Тодоровиќ, а клучен во донесувањето на одлуките е советникот на ДОМ, Лилјана Поповска.
Наумовски потсети дека за време на владеењето на Тодоровиќ се уништетни десет паркови, од страна на ВМРО-ДПМНЕ и ДОМ
„Да го поддржиме Андреј Жерновски за градоначалник не затоа што ќе прави ревизија на „Скопје 2014“, туку и затоа што на првата седница на Советот ќе се донесе одлука да ги спасиме парковите во Центар. Зелените неможат да го дадат гласот за уништувачот на зеленилото во Центар, Тодоровиќ. Младите ќе го поддржат Андреј Жерновски за градоначалник“, рече Наумовски.