Пратеникот од Австралија на ВМРО-ДПМНЕ од минатиот состав, Васко Наумовски им даде поддршка на иницијаторите за реформи во ВМРО-ДПМНЕ. Тој кажа дека се приклучува кон барањата за реформи во партијата и истакна дека Македонија треба што побрзо да влезе во ЕУ и НАТО.
На прославата на 124 годишнината од ВМРО, салата во МКЦ ја исполнија членови на ВМРО-ДПМНЕ кои не се согласуваат со политиката на Никола Груевски. Според нив, Груевски ја угушил слободата и демократијата и во ВМРО-ДПМНЕ и во Македонија, и затоа бараат негово заминување и избор на нов лидер кој ќе ја врати партијата на власт.
