Хунтата се изживува со притворените од 27 април, истакна денеска на прес-конференција Александар Нацев од ВМРО-ДПМНЕ.
„Тие преживуваат на температура под 0, а греење имаат само 2 часа во денот. Прозорците се расипани, а во ќелиите има мувла. На семејствата не им се дозволува да им достават волнена облека“, додаде Нацев.
Притоа потенцираше дека ваквата ситуација не може да се означи како правда, ниту пак како владеење на правото.
„Ова е притисок врз чесните македонски патриоти. Хунтата има за цел да ги скрши како луѓе. Ова не се човечки услови. Притворените наместо да ја спремаат својата одбрана тие преживуваат. Оваа тортура мора да запре. Македонија мора да е демократска држава. Сите претставници на хунтата ќе сносат последици“, рече Нацев на пресот.