[staff name=”Мики Трајковски” position=”Автор”][/staff]Стружани го поставија 19-метарското македонско знаме, денеска на влезот од селото Мислешево, и покрај сите препреки со кои се соочуваа изминативе денови.
Чинот на поставувањето на знамето помина во празнична и мирна атмосфера без инциденти или нарушување на јавниот ред и мир. Подготовките за поставувањето на знамето траеа повеќе од еден месец, а како што велат жителите, овој момент го очекувале долго време.
Присутни според слободни проценки беа повеќе од 1.000 граѓани. Велат, ова е Македонија и овде мора да се вее македонското знаме. Општинската инспекција пред десетина дена донесе решение за уривање на постаментот каде е поставено знамето, но жителите и покрај се се решија знамето да го постават.
Поставена беше и табла со македонското знаме, информации за Мислешево и фотографии од неколкуте културно-историски локалитети.