(ВИДЕО) Муцунски: ИК на ВМРО-ДПМНЕ со позиција – Уставни измени под диктат и во околности кои се поразителни за Македонија не смее да има

Од:

Денес во пресрет на одржувањето на лидерската средба во Клубот на пратениците, заседаваше Извршниот Комитет на ВМРО-ДПМНЕ, кажа на прес-конференција Тимчо Муцунски, потпретседател на ВМРО-ДПМНЕ.

„Извршниот Комитет на ВМРО-ДПМНЕ донесе одлука да го овласти претседателот на партијата, проф. др Христијан Мицкоски да ги афирмира и одбрани следните позиции:

Поаѓајки од националните и државните интереси и запазувајќи го мислењето на огромното мнозинство на граѓани во државата, Уставни измени под диктат и во околности кои се поразителни за Македонија не смее да има. Носењето на Уставни измени во состојба кога е нападнат националниот и државен идентитет на македонските народ, кога се оспорува јазикот, историјата и културата не е никаков чекор напред, туку отварање на вратата за нови поразителни условувања и себеодрекувања.

Македонија токму поради лесните отстапки до сега и штетните политики на власта е веќе во изолација. Измама е тезата дека на оваа лидерска средба се одлучува за интеграција или за изолација. На оваа лидерска средба се одлучува или за Уставни измени и национални порази или за одбрана на националното достоинство и националните и државните интереси.

За ваквата подредена состојба на државата е виновна криминилизраната власт на ДУИ и СДСМ.

Македонските граѓани отсекогаш силно ја поддржувале и ќе продолжат да ја поддржуваат европската интеграција на Македонија. Но, тоа не треба да прерасне во понижувачки процес за прифаќање на диктати туку процес на прифаќање и почитување на вредностите и создавање на национално единство. Оттука, Извршниот комитет на ВМРО-ДПМНЕ во името на огромно мнозинство македонски граѓани бара фер шанса иста каква што ја имаа останатите народи и држави од Централна и Источна Европа кога пристапуваа кон ЕУ“, изјави Муцунски.

Би можело да ве интересира

ВМРО-ДПМНЕ: Каматната стапка на парите од Унгарија е двојно помала од еврообврзницата што ја зедоа СДСМ и ДУИ

Лефков: Венко Филипче да каже како со плата се купува Ауди Q8 и се гради хациенда на Водно

Политиката на свиткана кичма на Заев донесе штетни договори од кои и денес Македонија едвај глава крева реагира ВМРО-ДПМНЕ

СДСМ: Брука и срамота, компанија која работи веќе 16 години во Македонија за Мицкоски е нова инвестиција

Лефков: Филипче спроведе скандалозен тендер за стерилизација во 2019 година со контроверзна албанска компанија

Катерина Ѓуровски

СДСМ: Не е до чергата, до приоритетите е, ВМРО-ДПМНЕ не се грижи за работниците