ВИДЕО: Моторни пили ечат на Водно, се сечат дрвја зад училиштето „Кочо Рацин“ за изградба на нова зграда

Од:

Моторни пили ги вознемирија утрово жителите на скопско Водно зад училиштето „Кочо Рацин“. Се сечат дрвја во парцела која досега се водела како државно земјиште со триесетина дрвја, а сега соседите велат дека некој успеал да го купи земјиштетото и подготвува изградба на зграда. Нема информативната табла за градбата, ниту какви било ознаки дека се подготвува градење. Соседите се револтирани не само што во недела, за време на продолжен викенд, некој одлучил да им го одземе мирот, туку сметаат дека сечата на дрвјата е на штета на сите и се чувствуваат загрозени од најавата за нова зграда.

dobivaj vesti na viber

„Не остана парче неизградено на Водно ама во недела, за време на продолжен викенд, да се почнува градба ни остава простор да се сомневаме дека се е легално. Како соседи никој не не извести за сечата. Оваа парцела имаше корисници, но не го откупија земјиштето од државата, немаа пари и остана да се води како државен имот. Одеднаш се појави некој што кажа дека ја купил парцелата  и рече дека ќе прави зграда. Ни кажа дека ќе ни ги урне оградите што ги имаме оти улицата е тесна, но рече ќе ни изградел нови, бетонски. Ни кажа и дека улицата ќе биде блокирана додека гради оти нема друг пристап. Ние не сме согласни ниту да ни урива огради, ниту да гради зграда и да ни ја блокира улицата и нема да го дозволиме тоа“, велат соседите.

Градоначалникот на Општина Центар, Саша Богдановиќ, не одговори на прашањата од „А1он“ за сечата на Водно.

Жителите на улицата Партениј Зографски, по празникот најавија дека ќе го интензивираат отпорот против изградба на новата зграда поради што ќе им биде блокирана единствената пристапна улица.

Би можело да ве интересира

Жичарницата и автобусите до Водно, времено нема да бидат во функција

А1он

Од утре делумна забрана за движење во парк-шумата „Водно“ и во паркот на природата „Гази Баба“

А1он

Центар ќе забрани изградба на пат до парцелата на „Маркеза“ на Водно за која веќе е дадено одобрение за градење

Маја Илиевска-Пачемска

Ковачевски и Бесими молчат за трите државни парцели кај „Тифани“ кои стануваат приватни за шесткатница

Маја Илиевска-Пачемска

ВИДЕО: Три државни парцели стануваат приватни за нова шесткатница кај „Тифани“

Маја Илиевска-Пачемска

Спремна уште една градба во шумата на Водно, идејниот проект засега одбиен

Маја Илиевска-Пачемска