СДСМ Крива Паланка и oфицијално ја заврши кампањата „Отвори врата за иднината“. По работното лето, велат, продолжиле со интензивните контакти и средби со граѓаните .
Дваесетина тима составени од интелектуалци, студенти, жени и пензионери, кои ги обединувала социјал-демократската кауза и убедување, предводени од кандидатот за градоначалник на Крива Паланка, д-р Горан Младеновски, тропнале на вратата на околу 5000 домаќинста и оствариле контакт со повеќе од 15000 гласачи.
Се сретнале и разговарале со вработени и невработени, со стечајци и пензионери, со студенти, земјоделци, бизнисмени, стопанственици, трговци.
„Резултат на тие средби и контакти се овие 4000 страници пишан материјал, сугестии, укажувања, секојдневни проблеми, но и предлози за надминување на постоечките состојби, идеи за нови решенија, идеи за подобра сегашност и сигурна и перспективна иднина. Во овие 4000 страници е сржта на претстојната изборна програма на нашиот кандидат за градоначалник од обединетата коалиција „Сојуз за иднината“ на Крива Паланка.“, рече Борјанчо Мицевски.
„На градот ќе му дадеме перспектива а на селата живост“, вети кандидатот за градоначалник Горан Младеновски.