До здружението за заштита на животните, „Анима Мунди“пристигнало видео во које скопјанец удира од земја мачка и за кое според сведоците и сопственикот на мачката се работи за извесен Д.Д. од населба Лисиче, Скопје.
„Истиот млад човек на најсуров и монструозен начин малтретира и повредува мачка.
Ова видео е само дел од долготрајното психопатско изживување врз мачката бидејќи според сведоштвата истиот ја удирал од земја неколкупати со што и нанел очигледни повреди и траума.
Ваквите слики од млади лица кои судејќи по смеењето во позадина на видеото и задоволството во изживување врз живо битие се скоро секојдневие и аларм за тоа каква младина продуцира ова општество и која би била следната жртва на насилниците од овој калибар.
Млади лица, небаре деца кои покажуваат волку ниска свест, нула емпатија и се изживуваат, убиваат животни подоцна нивната агресија според стручни лица можат да ја применат и на луѓе“, објавија од „Анима Мунди“.
Бараат од надлежните институции да превземат соодветни дејствија и да има одговорност во овој случај, да се интервенира навремено кај овој млад човек и превенираат вакви случки во иднина.