Граѓаните кои донираат пари преку отворените специјални телефонски броеви не треба да плаќаат и 18 проценти ДДВ. Овие броеви не се користат за телефонски разговори, туку преку нив се собираат пари за хуманитарни цели, кажа Јован Митрески, пратеник.
Бараме да се укине данокот за средствата што се донираат преку специјалните телефонски броеви на операторите.
Мнозинството граѓани во Македонија се сиромашни, голем број од нив не можат само да си го платат лекувањето дома или во странство, затоа многу често бараат финансиска помош предку овие отворени специјални линии. И од тие кои помагаат, мнозинството се во тешка финансиска состојба.
Затоа, пратеничката група на СДСМ и здружената опозиција до Собранието на Република Македонија поднесе Предлог – закон со којшто бараме повиците кон специјалните броеви за донации да не се сметаат за телекомуникациски услуги, односно да бидат ослободени од плаќање на ДДВ од 18%.