По изјавата за новинарите, потпретседателот на СДСМ, Дамјан Манчевски одговараше на прашањата на новинарите.
Што очекувате од управниот суд дали да ја прифати тужбата на ВМРО ДПМНЕ или пак да ја отфрли и дали доколку евентуално ја прифати тужбата на ВМРО, Вие ќе ги признаете изборните резултати?
Очекуваме од Управниот суд да одлучува според Закон. Ни по нивно, ни по наше. Онака како што требало да одлучува и во минатото. Само и единствено по Закон.
Ваш коментар за составот на Советот на судиите кој вчера расправаше?
Не е составот на тој Совет, туку целиот состав на Управниот суд е еден од нотираните проблеми во бројните меѓународни извештаи во Македонија, но тоа е тоа. Судските реформи ќе следуваат по промената на Власта, кога ќе спроведеме целосен реизбор на сите судии во Македонија.