Портпаролката на СДСМ, Богданка Кузеска изјави дека јавноста видела какви листи му спремил Никола Груевски на својот извршител Христијан Мицкоски само еден ден пред партискиот состанок на ВМРО-ДПМНЕ.
Таа истакна дека ништо не е променето во кандидатските листи од времето на како што кажаа таа „груевистичко- режимска кадровска политика“ кој според неа нуди обнова на режимот и враќање назад, ништо повеќе.
„Антонио Милошоски, Игор Јанушев, Владо Мисајловски, Александар Николовски и уште многу други. Олицетворение на режим, неспособност, криминал, корупцијата, изолација, лажни вести. Кандидатите како Сиљановска Давкова или Дурловски се сејачи на омраза и поттикнувачи на поделби. Таква е понудата на ВМРО ДПМНЕ на листите со овие истрошени и стари режимски кадри на Никола Груевски кои извршителот Мицкоски со двете раце ги прифати, а отиде дури и до Будимпешта за тоа. Затоа Христијан Мицкоски избега од директно изборно соочување со претседателот Заев и не се кандидираше на престојните паралментарни избори. Потврди дека се плаши од Зоран Заев и дека е свесен за изборниот пораз на 12-ти април“, рече Кузеска.
Според неа, на овие избори, ќе се судрат два концепти и две политички понуди.
Едниот предводен од ВМРО-ДПМНЕ и извшителот Мицкоски кој е концепт на минатото и кој носи враќање назад, изолација, криминал и корупција, а вториот е предводен од СДСМ и Зоран Заев кој е концепт на сигурна иднина и носи стабилност, повеќе пари, поголеми плати, правда, интеграција во ЕУ и уште поголем и уште побрз напредок.
„Граѓаните не сакаат враќање назад, не сакаат изолација, неправда, криминал и корупција. Граѓаните се за концепот на СДСМ кој води напред и обезбедува европска иднина. Затоа, извршителот Мицкоски може да бега од изборните листи, но од поразот на 12 април не може да побегне. На 12 април Мицкоски и ВМРО-ДПМНЕ ги чека силен пораз од граѓаните“, додаде портпаролката на СДСМ.