ВМРО-ДПМНЕ го призна проблемот со загадувањето на воздухот во Битола. Но, наместо да превземе контретни мерки и да се реши овој многу важен проблем за биточани, ВМРО-ДПМНЕ постави прашање, вели Васко Ковачевски.
На собраниската седница за пратенички прашања, битолскиот пратеник од ВМРО-ДПМНЕ Зоран Илиоски му постави прашање на заменик-министерот за животна средина: – Дали и кога ќе биде ставена во функција мерната станица која веќе подолг период не работи?
Одговор од страна на заменик-министерот – НЕМА, а пратеникот Зоран Илиоски е ЗАДОВОЛЕН!
ВМРО-ДПМНЕ се сети да праша за она што СДСМ и коалициските партнери веќе подолг период алармираме, апелираме и неколку наврати предлагаме конкретни мерки и активности.
Тогаш, Зоран Илиоски од комотната фотелја на Координатор на Општинскиот комитет во Битола, и како член на Извршниот одбор на ВМРО-ДПМНЕ убедуваше дека само без причина ја плашиме јавноста и дека ситуацијата со загадениот воздух не е критична.
Во меѓувреме, Илиоски стана пратеник па согласно со новата улога го смени и мислењето. Од скептик се претвори во загрижен Битолчанец кој како и сите други бара одговор на прашањата кои досега самиот тој требаше и мораше да ги одговори.
За ВМРО-ДПМНЕ загадување немаше, а денес се сети дека има!
Ваквото лицемерие не е ништо ново во ВМРО-ДПМНЕ. Нивното однесување исклучиво зависи од нивната моментална функција, а не од фактичката состојба и потребите на граѓаните.
Со поставување прашање Илиоски и ВМРО-ДПМНЕ неможе да се амнестираат за нивниот игнорантен однос кон проблемот со загадувањето во Битола.