Власта го потврди откажувањето на Блок 1 во РЕК Битола поради нов дефект. И покрај потрошените над 60 милиони евра народни пари, за реконструкција и доопремување. Еве зошто денес граѓаните и фирмите во Македонија плаќаат дури 75% поскапа струја, од увоз, рече Васко Ковачевски.
Вкупното производството на струја неколку години во континуитет опаѓа.
Поради нестручно, неодговорно и некомпетентно однесување, РЕК Битола произведува помалку струја наместо повеќе.
Според информациите со кои ние располагаме, повеќе од 40 дена во застој е и производството на струја од ХЕЦ Маврово.
А пак од почетокот на оваа година не работи ниту РЕК Осломеј.
Тоа се 500 мега вати помалку домашно произведена електрична енергија.
Владата на Никола Груевски, не само што не изгради ниту еден нов енергетски капацитет, туку Македонија ја направи зависник од скапа увезена струја.
Пред десет години, Македонија произведуваше многу повеќе струја а увезуваше многу помалку. Затоа и цената на струјата беше помала.
Цели 8 години СДСМ укажува на погубната политика на оваа власт за состојбите во енергетскиот сектор.
Загриженоста на граѓаните е како ќе се издржи престојната зима со навремена и квалитетна испорака на електрична енергија.